Eldri fréttir - Maí 2014

Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt
Myndir frá bílamessu

Að venju var bílamessan vel heppnuð enda óformleg messa og meira tónleikar með léttu andrúmslofti. [30.05]jsl



BA 40 ára - Afmælissamkoma (1), 27. maí,

Bílaklúbbur Akureyrar heldur upp á 40 ára afmæli sitt í ár og af því tilefni verður afmæliskaffi þriðjudagskvöldið 27. maí í félagsheimili BA, Hlíðarfjallsvegi 13, og vonandi mæta sem flestir á fornbílum sínum um kl. 20 og þiggja veitingar í boði BA. Um leið er upplagt að skoða þá uppbyggingu sem hefur verið á þeirra vegum og kynnast starfi þeirra. [26.05]jsl



Smá bílasýning í Kauptúni um helgina, frítt inn

Helgina 24.-25. maí verður heljarinnar húllumhæ í Kauptúninu þegar öll fyrirtækin á svæðinu taka sig til og bjóða upp á Karnivalstemningu frá kl. 12-17 báða dagana (laugardag og sunnudag). Bílar frá Fornbílaklúbbnum, Kvartmíluklúbbnum, 4X4 og Live2Cruize. [24.05]jsl



Frá aðalfundi

Aðalfundur Fornbílaklúbbsins var haldinn þann 21. maí og voru öll venjuleg aðalfundarstörf á dagskrá. Kosið var um þrjá stjórnarmenn og 2 varamenn og um leið urðu nokkrar breytingar á stjórn þar sem varamenn síðasta tímabils færðust upp í stjórn og nýir varamenn komu inn. Úrslit kosningu er hægt að sjá á síðunni um aðalfund. Ein lagabreyting var sett fram og eftir breytingartillögu var samþykkt að héreftir verða þeir félagar sem ná 80 ára aldri gjaldfríir hafi þeir verið borgandi félagar í 5 ár samfellt áður. Stjórn kynnti á fundinum ákvörðun síðasta stjórnarfundar að í tilefni 110 ára sögu bílsins á Íslandi að heiðra Samgönguminjasafnið Ystafelli með heiðursskjali og styrk upp á 500.000 fyrir þeirra framlag til bílasögunnar. Myndir frá kvöldinu eru komnar á Myndasíðu, og stærri fyrir félaga. [23.05]jsl


3. Aðalfundur FBÍ 2014 (1)

Aðalfundur Fornbílaklúbbs Íslands verður haldinn miðvikudagskvöldið 21. maí í félagsheimilinu okkar, Hlíðasmára 9, Kópavogi, 3. hæð.

Dagskrá:
1.  Fundur settur, skipan fundarstjóra og fundarritara
2.  Skýrsla stjórnar og umræður um hana
3.  Skýrslur nefnda
4.  Ársreikningur 2013 lagður fram og borinn upp til samþykktar
5.  Stjórnarkjör
b)  Kosning þriggja stjórnarmanna til 2ja ára
c)  Kosning tveggja varamanna til 1árs (sjá kynningu framboða)
6.  Kosning skoðunarmanna reikninga
- - - Kaffihlé - - -
7.  Kjörnefnd kynnir úrslit kosninga
8.  Árgjald, umræður og ákvarðanataka
9.  Önnur mál
10. Fundargerð lesin og leiðrétt

Húsið opnar kl. 20.00 og hefst fundurinn kl. 20.30 og eru félagar hvattir til að koma akandi á fornbílum. Aðgangur takmarkast við þá sem greitt hafa félagsgjöld fyrir árið 2014 og hafa þeir einir atkvæðisrétt sem greitt hafa þremur vikum fyrir fundinn. Munið félagsskírteinin.
[19.05]jsl



Myndir frá skoðun


Skoðunardagurinn var haldinn síðasta laugardag og í Reykjavík mættu 136 bílar í skoðun og á Akureyri hjá BA rétt um 60. Frábært veður var þennan dag og varð skoðun hálfgert aukaatriði þar sem nóg var af bílum til að skoða og flott pylsupartí hjá Frumherja. BA fólk grillaði að venju og hægt að sjá nokkrar myndir frá þeim hér. Léttur rúntur var að lokinni skoðun í bænum en einnig fóru margir upp í Borgarnes til að skoða sýningu FBF og Rafta. Myndir frá deginum eru komnar á Myndasíðu, og stærri fyrir félaga. [12.05]jsl



Kvöldrúntur síðasta miðvikudag

Í lok apríl var fyrsti kvöldrúntur sumars og var fín mæting og nokkrir "nýir" bílar í hópnum. Farinn var léttur rúntur út í Hafnarfjörð og endað í félagsheimilinu í kaffi og rabb. Myndir frá kvöldinu eru komnar á Myndasíðu, og stærri fyrir félaga. [02.05]jsl