Eldri fréttir - Mars 2014

Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt Mynd með frétt
Safnarakvöldið

Hér eru nokkrar myndir frá safnarakvöldinu sem var fyrr í mánuðnum en að venju lumuðu félagar á ýmsu. Orri Freyr þótti vera með áhugaverðasta safnið og Gunnar Pálsson í öðru sæti. Bílagetraunin reyndi vel á félaga, en Ólafur Óskarsson svaraði flestum spurningum rétt og í öðru sæti var Steingrímur Snorrason. [27.03]jsl


Fræðsluheimsókn

Örnámskeið verður hjá Einari Gíslasyni í meðferð og vinnslu boddy-stáls. Einnig sýnir Einar okkur hvernig "English wheel" er notað og vinnu með lofthamar sem hann hefur útbúið af sinni alkunnu snilld. Mæting er beint til Einars að Skemmuvegi 42 kl. 20. Lokað verður í Hlíðasmára þetta kvöld. [23.03]jsl


Stöð2 leitar eftir bílum

Við á Stöð2 erum að leita af tveimur bílum í sviðsetningar og því langar okkur að kanna hvort einhverjir félagar Fornbílaklúbbsins ættu eftirtalda bíla og væru til í að leyfa okkur að fá þá í sviðsetningar. Okkur vantar annars vegar:

- bíl frá 1977 / 8. áratugnum, fólksbíll
- bíl frá ca. 1988 / 9. áratugnum, þessi bíll má gjarnan vera "leigubílalegur"'.

Tökur eru ráðgerðar fyrstu vikuna í apríl og munu standa stutt yfir. Allar nánari upplýsingar veitir Brynja Dögg Friðriksdóttir, brynjadogg@gmail.com / brynjadogg@stod2.is [20.03]jsl




Safnarakvöld

Þetta kvöld mæta félagar með sitt “dót”, verkfæri og annað forvitnilegt til að sýna öðrum. Nóg af borðum til að sýna á og um að gera að koma með eitthvað skemmtilegt. Kosið verður um áhugaverðasta og flottasta safnið, einnig verður hin vinsæla bíltegundagetraun í gangi.
Húsið opnar kl. 20.30, kaffi og meðlæti á kr. 500.

Ath. Hægt er að koma og setja upp sýningargripi kvöldið áður, þar sem þriðjudagsopnun er þann 18. mars (18-21).



Auglýsing frá kjörnefnd

Kjörnefnd vill minna á að framboð til stjórnar rennur út 19. apríl. Um leið er komin síða í gang vegna aðalfundar 2014 og verða öll framboð kynnt þar um leið og þau berast, einnig er kynnt núverandi stjórn og staða endurframboða og nýrra. Síðan verður uppfærð fram að aðalfundi eftir þörfum. [12.03]jsl



FBF Myndakvöld, opið 19-22, 11. mars

Sýnd verður bílamyndin Bullitt, en hún er talin ein sú besta bílamynd sem hefur verið gerð og hefur að geyma eitt lengsta bílaeltingaratriði sem gert hefur verið, en það er rúmlega 10mín og er um leið eitt raunverulegasta sem gert hafði verið á þessum tíma. Aðalleikarar eru 1968 Ford Mustang 390 GT 2+2 Fastback og 1968 Dodge Charger 440 Magnum. Myndin er sýnd í húsnæði FBF í Brákarey. Húsið opnar kl. 19 og sýning hefst kl. 20. [11.03]jsl



Mánudagsbíó 20.30 - 23

Hver man ekki eftir Convoy, eftir leikstjórann Sam Peckinpah, með Kris Kristofferson, Ali MacGraw og Ernest Borgnine. Var sýnd í gamla Regnboganum og eftir 450 sýningar bauð bíóið upp á ókeypis sýningar í heila viku í mars 1979. Ekki var óalgengt að fólk hafi farið 4-7 sinnum að sjá myndina! Þegar búið var að sýna hana 596 sinnum var eintakið ónýtt og þurfti að panta nýtt. Húsið opnar kl. 20.30 og sýning myndar byrjar kl. 21, ekkert hlé verður gert enda njóta myndir sín best án þess. [10.03]jsl



Fræðsluheimsókn

Þetta kvöld ætlum við að heimsækja Nýju Bílasmiðjuna í Mosfellsbæ. Þar ætlar Ágúst ,eigandinn, að taka á móti okkur og fræða. Fyrirtækið á sögu aftur til 1942 og hefur verið mikið í yfirbyggingum á rútum, strætó og öðrum farartækum. Mæting er beint í Flugumýri 20, Mosfellsbæ Lokað verður í Hlíðasmára þetta kvöld. Veitingar í boði. [04.03]jsl

Hlíðasmári 18 - 21, 4. mars

Þriðjudagskvöldin 4. og 18. mars verða opin frá kl. 18 til 21 og auðvitað heitt á könnunni og öllum frjálst að koma með eitthvað til að sýna á tjaldinu. [03.03]jsl


Fornbílar óskast á Hverfisgötu kl. 15:00 n.k. laugardag

Opnun Hverfisgötu eftir endurbætur verður fagnað á laugardag 1. mars kl. 15:00 og er þess eindregið óskað að fornbílar verði fyrstir til að aka um götuna þegar borgarstjóri klippir á borðann við Bíó Paradís kl. 15:00. Beðið er um að þeir sem komast þennan dag aki framhjá tálmum inn á Hverfisgötuna kl. 14:45 og staðnemist í 1-2 röðum austan megin Klaparstígs þar til Jakob Frímann miðborgarstjóri gefur merki og þá hæfist aksturinn undir lúðrablæstri og söng. Sjónvarpsvélar og blaðaljósmyndarar verða á staðnum. Síðan er boðið til veislu í Bíó Paradís.
Nánari uppl. veitir Jakob Frímann í síma 7 700 700.