Dagatal og ferðaupplýsingar  Jan-Jún 2017 Júl-Des 2017               English

Ath. reynt er að hafa allar upplýsingar sem nákvæmastar, dagskrá ferða geta breyst með stuttum fyrirvara. Ferðalýsingar er reynt að hafa sem réttastar, en breytingar geta orðið á síðustu stundu vegna ýmsa ástæðna.
Mismunandi litir eru á fundar/ferðastöðum, Reykjavík, Keflavík, Akureyri, Borgarnes, Selfoss, Esjumel, og ýmislegt eru ferðir eða uppákomur annara.
Mætimgarstig eru alltaf fyrir mætingu á bíl eldri en 25 .ára.

Nóvember 2017
 
22 Miðvikudagur Hlíðasmári 20:30 - 23
23 Fimmtudagur  
24 Föstudagur  
25 Laugardagur  
26 Sunnudagur Esjumelur 13-15
27 Mánudagur  
28 Þriðjudagur  
29 Miðvikudagur Heimsókn
    Þetta kvöld munum við fara í heimsókn til Öskju (Benz og KIA umboðið) þar sem við munum fræðast um fyrirtækið og væntanlega fá að kíkja á verkstæði og hvernig varahlutaafgreiðsla virkar. Mæting er beint til Öskju, Krókhálsi 11. kl. 20. Lokað verður í Hlíðasmáranum þetta kvöld.
30 Miðvikudagur  


Desember 2017
 
1 Föstudagur  
2 Laugardagur  
3 Sunnudagur Esjumelur Lokað
4 Mánudagur  
5 Þriðjudagur  
6 Miðvikudagur Hlíðasmári 20:30 - 23
7 Fimmtudagur  
8 Föstudagur  
9 Laugardagur  
10 Sunnudagur Esjumelur Lokað
11 Mánudagur  
12 Þriðjudagur FBF Myndakvöld, opið 19-22
    Description:Fræðslumynd um sögu Mersedes-Benz. Húsið opnar kl. 19 og sýning byrjar kl. 20.
13 Miðvikudagur Hlíðasmári 20:30 - 23
14 Fimmtudagur  
15 Föstudagur  
16 Laugardagur  
17 Sunnudagur Esjumelur Lokað
18 Mánudagur  
19 Þriðjudagur  
20 Miðvikudagur Hlíðasmári Lokað
21 Fimmtudagur  
22 Föstudagur  
23 Laugardagur  
24 Sunnudagur Esjumelur Lokað
25 Mánudagur  
26 Þriðjudagur  
27 Miðvikudagur Hlíðasmári Lokað
28 Fimmtudagur  
29 Föstudagur  
30 Laugardagur  
31 Sunnudagur Esjumelur Lokað


Fornbílaklúbbur Íslands 


Tölur í sviga gefa til kynna hve
mörg stig eru í boði fyrir hverja ferð.
19- 22 stig veita gullverðlaun,
16-18 stig veita silfur og
11-15 stig veita brons.

Click for Reykjavik, Iceland Forecast


Click for Keflavik, Iceland Forecast

Click for Akureyri, Iceland Forecast

Click for Selfoss, Iceland Forecast


Fyrir Android

Dagatal FBÍ er einnig að finna sem
Google Calendar
og er hægt að sækja það til að hafa í sínu dagatal og aldrei missa af neinu.

Skeljungur

Samtarfsaðili FBÍ
Sækja um viðskiptakort

Sjá nánar um kjör hér


Félagsheimili FBÍ er
að Hlíðasmára 9, 3. hæð.

Opið er á milli 20.30 og 23.
Dagskrá er á miðvikudagskvöldum
eða eftir annari auglýstri dagskrá.


Bílageymslur og varahlutalager
Esjumel 1.
Vetrartími
sunnudag kl. 13 - 15,
Sumartími
fimmtudaga kl. 20 - 22
lokað í desember,
sjá nánar á Dagatali með lokanir.

Símar 660 1763
og 566 7838.


Sími FBÍ er 571 4011
miðvikudaga 21 - 23.

Utan þess tíma er hægt að ná í formann FBÍ í 895 8195
á virkum dögum milli 11-17.


Útskýring á dagskrá kvölda og ferða

Rabbkvöld
Á rabbkvöldi hittast félagar og kíkja í nýjustu bílablöðin, fá sér kaffisopa og spjalla við aðra félaga, oft eru umræður um hitt og þetta sem viðkemur bílum en oftast er bara verið að ræða allt mögulegt, eins verður oft gaman af bílasögum liðinna ára (sem verða svakalegri í hvert skipti sem sagan er sögð). Boðið er upp á kaffi og eins er hægt að kaupa kalt gos á staðnum. Aðstaðan í Árbænum er opin frá kl. 20.30 til 23.30 nema það sé auglýst ferð á dagskrá.

Kvikmyndakvöld
Eins og nafnið segir til þá er sýnd heimildarmynd, kvikmynd eða aðrar myndir úr safni klúbbsins. Haldið á Amokka, Hlíðarsmára, opið milli kl. 20 til 23.

Fræðsluferð
Farið er í heimsókn í valið fyrirtæki, oftast bílatengt, til að fræðast um starfsemi þess og/ eða til að fræðast um eitthvað annað. Eins hafa bílskúraheimsóknir verið á dagskrá og þá er verið að skoða verkefni einhverra félaga. Oft eru afslættir til félaga tengdir þessum heimsóknum og boðið er upp á kaffi eftir kynningu.

Opið hús
Þó að nafnið bendi til þess að þetta sé eina kvöldið sem gestir geti komið þá er það ekki svo, allir geta komið á hvaða kvöld sem er til að kynnast klúbbnum og félögum hans. Opið hús er meira notað fyrir stærri dagskrá, svo sem myndasýningar frá ferðum félaga, afhending viðurkenninga úr ferðum sumars, dóta og verkfærakvöld og fl. Haldið á Amokka, Hlíðarsmára, opið milli kl. 20 til 23.

Dóta og verkfærakvöld
Á þessu kvöldi koma félagar með ýmiskonar söfn sem þeir sýna öðrum félögum og er kosið um merkilegasta safnið. Allt er leyfilegt að koma með og eru félagar að sýna t.d. gömul verkfæri, módelbílasöfn, merkjasöfn, gömul leikföng og fl. og fl.

Þorrablót
Síðustu ár hefur verið haldið þorrablót þar sem félagar koma saman og blóta þorra. Selt í er matinn á kostnaðarverði en drykkir eru seldir á vægu verði á staðnum. Panta þarf miða þar sem matur er pantaður eftir fjölda þess sem mætir.

Bjórkvöld og verðlaun
Nýlega var byrjað að halda létt bjórkvöld þar sem um leið eru afhent ferðaverðlaun fyrir mætingar síðasta sumar.

Skoðunardagur
Þennan dag mæta félagar með bíla sína í skoðun og síðustu ár hefur hún farið fram hjá Frumherja. Sérkjör eru þennan dag fyrir fornbíla og er það í raun bara opinber skoðunargjöld er verið að greiða. Frumherji hefur boðið í morgunkaffi og grillaðar pylsur á meðan skoðun stendur. Skoðun hefst kl. 9. og stendur yfirleitt til rúmlega kl. 13. en eftir það er farið í létta ferð. Mikil mæting er á þessum degi bæði af félögum og gestum til að sjá hvað hefur bæst við eftir veturinn. Skoðun utan höfuðborgarsvæðisins er næsta virkan dag eða fyrsta opnunardag skoðunarstöðvar.

Kvöldrúntur
Mæting er alltaf kl. 20 og er mæting á ýmsum stöðum í borginni. Yfirleitt er lagt af stað um kl. 20.30 (auglýst betur fyrir viðkomandi ferð) og farinn rúntur um eitthvað ákveðið hverfi og /eða í heimsókn til að skoða safn, fyrirtæki, eða í bílskúr félaga. Í lok ferðar er endað á kaffistað þar sem er tilboð fyrir félaga. Mætingarstig er gefið fyrir þessa ferð, mæting er skráð annað hvort um miðja ferð eða í lok hennar.

Rabbkvöld/rúntur
Léttari rúntur sem er farinn ef veður leyfir, en opið er í Árbænum fyrir þá sem ekki fara rúntinn. Ekki eru mætingarstig fyrir þessa ferð nema annað sé auglýst.

Fatadagur
Dagsferð þar sem félagar mæta uppáklæddir í föt frá liðnum árum, oft í anda árgerðar sem þeirra bílaeign er frá, en hvað sem er gengur. Farið er á nokkra staði bæði til að fræðast og hafa gaman af. Farið er í hádegisverð og kaffi saman á völdum stöðum þar sem búið er að semja um tilboð handa félögum. Mætingarstig er gefið fyrir þessa ferð, mæting er skráð annað hvort um miðja ferð eða í lok hennar.

17. júní hátíðarakstur
Árleg keyrsla frá Árbænum niður í miðbæ og sýning bíla á miðbakka Reykjavíkurhafnar. Skráning er í þessa ferð þar sem takmarkað hefur verið hversu margir fá að fara niður Laugaveg en Hverfisgata hefur einnig verið ekinn. Mætingarstig er fyrir þessa ferð.

Landsmót
Um leið helgarferð þar sem hópakstur er frá Reykjavík seinni part föstudags, sýning bíla laugardag og bílaleikir á sunnudegi. Farinn er hópakstur um viðkomandi stað við mætingu og eins í lok landsmóts á sunnudegi. Sameiginlegt grill er laugardagskvöldið, en samkomutjald klúbbsins er öllum til afnota hvenær sem er. Mætingarstig er fyrir þessa ferð ef bíll er á staðnum 75% helgarinnar.

Helgar og grillferð
Svipað og landsmót nema ekki er dagskrá um helgina. Grillmatur og drykkir eru í boði klúbbsins um laugardagskvöldið og síðan skemmta félagar sér saman fram á nótt. Mætingarstig er fyrir þessa ferð ef mætt er á bílum eldri en 25 ára um helgina.

Grillferð
Áður var farið í dagstúr út fyrir borgina og endað í grilli sem er í boði klúbbsins, hefur meira breyst í helgarferð. Mætingarstig er fyrir þessa ferð.

Ljósanótt
Í mörg ár hefur klúbburinn tekið þátt í hátíð sem er haldin í Reykjanesbæ, mæting er eftir hádegi og er keyrsla um bæinn og sýning bíla á dagskrá. Grillað er saman um kvöldið áður en fylgst er með dagskrá kvöldsins. Mætingarstig er fyrir þessa ferð.

Varahlutamarkaður Esjumel
Síðasta "ferð" sumars, en þá eru bílageymslur klúbbsins á Esjumel opnar til að félagar getið skoðað þær og eins er hægt að finna sér varahluti á lager klúbbsins. Boðið er upp á vöfflur, kaffi og gos. Mætingarstig er fyrir þessa ferð.

Skráning í ferðir
Sumar ferðir kalla á skráningu og þá gildir fyrstur kemur fyrstur fær.

Aukaferðir
Ýmsar aukaferðir bætast við eftir að dagatal hefur verið gefið út og eru þær auglýstar á fornbill.is og í Skilaboðum. Oft eru þetta ferðir sem eru tengdar ýmsum viðburðum eða óskað hefur verið eftir mætingu fornbíla.