Forsíða - Fréttir                                       

Dagskrá er alltaf sett inn á þriðjudögum eða degi á undan viðburði, aðrar fréttir eftir því sem þær berast.
Bílaskrá uppfærð þann 25-04-2012 - Sendu okkur eða heimasíðu.
Uppl. um aðalfund 2012 er að finna undir "Fyrir félaga".

---

Afmælissýning Fornbílaklúbbsins á Korputorgi um helgina

Fornbílaklúbbur Íslands fagnar um helgina 18. til 20. maí 35 ára afmæli sínu og heldur bílasýningu af því tilefni. Reynt verður að höfða til allra aldurshópa, svo fjölskyldan geti komið saman og kynnst sögu bílaeignar á landinu. Um 70 bílar verða til sýnis, sá elsti frá 1930 og sá yngsti frá 1987. Þótt á svæðinu verði margir glæsibílar og drossíur, verða þar líka fjölmargir venjulegir einkabílar frá fyrri árum, sem margir hafa gaman af að rifja upp kynnin af. Nú er í fyrsta sinn bryddað upp á þeirri nýjung að minjum frá stríðsárunum verður komið fyrir á afmörkuðu 30 fermetra svæði og þar verða ýmiss konar búningar, tól og tæki til sýnis og sumt af því hefur ekki komið fyrir almenningssjónir áður. Sýningin er því sannkölluð veisla fyrir þá sem hafa gaman af sögu og alþýðumenningu fyrri ára og sjá má hvernig tíðarandinn og tískustraumar hafa sett sitt mót á bílaeign eins og aðra þætti daglegs lífs. Frítt er fyrir félaga og er mælst til að þeir mæti á bílum sínum og leggi á afmarkað vaktað svæði og myndi smá aukasýningu fyrir utan alla helgina. Sýningin verður sett kl. 17 fyrir félaga (munið skírteinið) og boðsgesti, en opnar síðan fyrir alla kl.18. Miðaverð er kr. 800. [17.05]jsl Dreifimiði um sýningu

Opið verður:
Föstudag kl. 18 til 22
Laugardag kl. 10 til 22
Sunnudag kl.12 til 18.

---

Bílamessa, lokað í Árbænum þann. 16. maí (1)

Kyrrðarstund og samverustund í Digraneskirkju í fjórða sinn. Undanfarin þrjú skipti hefur þessi stund mælst mjög vel fyrir hjá okkur og Sr. Gunnari, ásamt hans fólki í kirkjunni. Allir eru sammála um að þetta sé góð stund til að minnast fallinna félaga og íhuga um sitt nánasta umhverfi. Eins og fyrri ár ætlum við að hittast í kirkjunni kl. 20.00. Eftir messuna býður klúbburinn ásamt kirkjunni upp á kaffiveitingar. [16.05]jsl

---

---

Enn hægt að panta miða

Miða er hægt að panta á fornbill@fornbill.is eða í síma 895 8195, taka skal fram nafn, fjölda miða, kreditkortanúmer eða hvort millifært verði. Boðið verður upp á þriggja rétta kvöldverð, lifandi músik og fleira fram til kl. 23, en þá verður spilað fyrir dansi til kl. 01. Veislustjóri verður Gísli Einarsson og miðaverð er kr. 4.500 (rétt verð er kr. 5.500) og innifalið er lifandi músik og skemmtiatriði. [15.05]jsl

---

Skoðunardagurinn

Árlegi skoðunardagurinn var á dagskrá síðasta laugardag og var hann á sama tíma í bænum og fyrir norðan. Frumherji tók vel á móti með morgunkaffi og síðan pylsuveislu. í Reykjavík voru 122 bílar skoðaðir en á Akureyri voru 57 bílar skoðaðir. Félagar FBÍ og BA gátu mætt á báðum stöðum vegna samstarfssamnings klúbbanna, enda fer það vel af stað og ekki annað að heyra en ánægju með það. Eftir skoðun í bænum var farið í léttann rúnt og endað á Kjarvalsstöðum í kaffi, BA félagar grilluðu að venju, enda var þurrar fyrir norðan. Myndir frá kvöldinu eru komnar á Myndasíðu, og stærri fyrir félaga. [14.05]jsl

---

Skoðunardagur í Reykjavík hjá Frumherja (1+1)

Hinn árlegi skoðunardagur Fornbílaklúbbsins verður laugardaginn 12. maí og vegna samvinnu við Bílaklúbb Akureyrar verður skoðað fyrir norðan sama dag (sjá fyrir neðan). Hjá Frumherja á Hesthálsi er opið frá kl. 9 til 13, og verður morgunkaffi í boði Frumherja og síðan verða grillaðar pylsur á meðan beðið er eftir skoðun, þegar henni lýkur hefst sjálf vorferðin. Skoðunargjaldið er 2000 kr. fyrir hvern fornbíl, en það verð gildir aðeins fyrir félagsmenn FBÍ og BA og því er nauðsynlegt að taka félagsskírteinin með. Dreifimiði um skoðunardag. [10.05]jsl

---

Fornbílaskoðun á Akureyri

Á laugardaginn kemur, þann 12. maí, verður BA með sína árlegu fornbílaskoðun hjá Frumherja á Akureyri og mun skoðun bíla fara fram á milli kl. 10:00 og 14:00. Þessi skoðunardagur er opinn fyrir alla félagsmenn í Bílaklúbbi Akureyrar, sem og meðlimi í Fornbílaklúbbi Íslands. Skoðunargjald er 2.000.- krónur á ökutæki og til þess að geta mætt þurfa menn að skrá sig í tölvupósti á ba@ba.is fyrir föstudag. Við skráningu þarf að koma fram nafn eiganda, bílnúmer og svo þurfa FBÍ félagar að hafa með sér sitt félagsskírteini. [09.05]bo/jsl

---

Prjóna-rabbkvöld

Kvöldið þann 9. er prjónakvöld hjá eiginkonum félaga. Haldið verður áfram með þessi blönduðu kvöld enda hafa þau reynst vinsæl. Heitt á könnunni og upplagt að spjalla við félagana eða kynnast nýjum. Árbærinn er opin frá kl. 20 til 23. [08.05]jsl

---

Keflavík - Opið hús annað kvöld

Opið hús verður í Íþróttaakademiunni, sem er beint á móti fótboltahöllinni. Þegar komið er að KFC skal beygja til vinstri (vestur) og ekið áfram í gegnum næsta hringtorg og þá er þetta hús á vinstri hönd. Húsið er opið frá kl. 19.30 til 22, upplagt fyrir nýja og eldri félaga á Reykjanesi að kynnast betur. [07.05]jsl

---

Minnum á afmælikvöldverð FBÍ í maí

Sala á miðum í kvöldverðinn er í fullum gangi, en henni líkur 13. maí. Miðasala er á öllum miðvikudagskvöldum okkar og eins er hægt að panta miða á fornbill@fornbill.is eða í síma 895 8195, taka skal fram nafn, fjölda miða, kreditkortanúmer eða hvort millifært verði (miðar verða ekki festir nema greiðsla sé klár fyrir 13. maí). Boðið verður upp á þriggja rétta kvöldverð, lifandi músik og fleira fram til kl. 23, en þá verður spilað fyrir dansi til kl. 01. Veislustjóri verður Gísli Einarsson og miðaverð er kr. 4.500 (rétt verð er kr. 5.500) og innifalið er lifandi músik og skemmtiatriði.

Einnig er tilboð á gistingu á Hótel Hafnarfirði (næsta hús) fyrir þá sem mæta í kvöldverðinn, kr. 16.000 fyrir tveggja manna herb. m/morgunmat og kr. 10.000 fyrir eins manns herb. m/morgunmat. Sala miða er hafinn og þar sem fjöldi gesta þarf að liggja fyrir þann 13. maí þarf að panta og staðfesta miða með greiðslu fyrir þann tíma. Miðasala verður á öllum miðvikudagskvöldum okkar og eins er hægt að panta miða á fornbill@fornbill.is eða í síma 895 8195, taka skal fram nafn, fjölda miða, kreditkortanúmer eða hvort millifært verði á 0135-26-000530 kt: 490579-0369 (miðar verða ekki festir nema greiðsla sé klár fyrir 13. maí). Ath. best er að panta herbergi sem fyrst fyrir þá sem koma lengra að, þar sem ferðatíminn er byrjaður og fljótt að fyllast. [20.04]jsl [03.05]jsl

---

Rúntur í gærkvöldi

Annar rúntur sumars var á dagskrá í gærkvöldi og var mæting hjá Shell stöðinni við Birkimel. Þaðan var farið um vesturbæ og endaði rúnturinn í Fákafeni þar sem ferðanefnd bauð upp á ís. Myndir frá kvöldinu eru komnar á Myndasíðu, og stærri fyrir félaga, eins stutt vídeó1 og vídeó2. [03.05]jsl

---

Húsnæðiskaup frágengin

Í síðustu viku var gengið formlega frá kaupum klúbbsins á nýju félagsaðstöðinni okkar að Hlíðasmára 9, Kópavogi. Afhending til okkar er í síðasta lagi 1. september en gæti orðið fyrr. [02.05]jsl

---

Kvöldrúntur (1)

Miðvikudagskvöldið 02. maí er annar kvöldrúntur sumars á dagskrá og að þessu sinni munum við hittast við Shell stöðina Birkimel (stæðið bak við Hótel Sögu) kl. 20.00 og verður lagt í hann rétt um 20.30. Ekið verður um bæinn og endað í ísbúð. [01.05]jsl

---

Minnum á árgjald vegna aðalfundar

Minnum þá örfáu sem eiga eftir að greiða árgjaldið fyrir 2012 og vilja mæta á aðalfund að lokadagur greiðslu er í dag. Samkvæmt lögum FBÍ hafa eingöngu atkvæðisrétt þeir sem hafa greitt árgjald þremur vikum fyrir aðalfund. Bendum einnig á að nýtt aðgangsorð er í maí Skilaboðum, sem voru send út í síðustu viku til þeirra sem voru búnir að greiða. [30.04]jsl

---

Skúraheimsókn á Akureyri

Fornbílamenn á Akureyri litu á þennan 1960 Plymouth Valiant sem er í uppgerð hjá Ásgrími Magnússyni í gærkvöldi. Fróðleg og skemmtileg heimsókn, enda allt smíðað í hann á staðnum. Myndir frá kvöldinu eru að finna hér. [27.04]bo/jsl

---

Flottur kvöldrúntur

Í gærkvöldi mætti flottur hópur fornbíla við Perluna og var síðan farið í fyrsta rúnt sumars þó að hitastigið mætti vera örlítið hærra, en þess meiri áhugi hjá fornbílafólki að byrja að viðra bílana. Farið var um vestur- og miðbæ Reykjavíkur og endað á Amokka í kaffi. Myndir frá kvöldinu eru komnar á Myndasíðu, og stærri fyrir félaga. [26.04]jsl

---

Fyrsti kvöldrúntur sumars (1)

Miðvikudagskvöldið 25. apríl er upplagt að dusta rykið af þeim gömlu og mæta á fyrsta rúntinn. Mæting í þennan fyrsta rúnt hefur verið góð og ætti það einnig að vera í ár. Mæting er kl. 20.00 á planinu við Perluna og farinn verður rúntur um Reykjavík og endað í kaffi á Amokka. [24.04]jsl

---

Myndir frá Mustang sýningu

Árleg sýning Mustang klúbbsins var haldin síðasta laugardag í Brimborgarhúsinu. Að venju voru þar sýndir stífbónaðir Mustangar, bæði eldri og nýrri. Hér er smá myndayfirlit fyrir þá sem ekki komust á sýninguna. [23.04]jsl

---

Minnum á afmælikvöldverð FBÍ í maí

Sala á miðum í kvöldverðinn er í fullum gangi, en henni líkur 13. maí. Miðasala er á öllum miðvikudagskvöldum okkar og eins er hægt að panta miða á fornbill@fornbill.is eða í síma 895 8195, taka skal fram nafn, fjölda miða, kreditkortanúmer eða hvort millifært verði (miðar verða ekki festir nema greiðsla sé klár fyrir 13. maí). Boðið verður upp á þriggja rétta kvöldverð, lifandi músik og fleira fram til kl. 23, en þá verður spilað fyrir dansi til kl. 01. Veislustjóri verður Gísli Einarsson og miðaverð er kr. 4.500 (rétt verð er kr. 5.500) og innifalið er lifandi músik og skemmtiatriði.

Einnig er tilboð á gistingu á Hótel Hafnarfirði (næsta hús) fyrir þá sem mæta í kvöldverðinn, kr. 16.000 fyrir tveggja manna herb. m/morgunmat og kr. 10.000 fyrir eins manns herb. m/morgunmat. Sala miða er hafinn og þar sem fjöldi gesta þarf að liggja fyrir þann 13. maí þarf að panta og staðfesta miða með greiðslu fyrir þann tíma. Miðasala verður á öllum miðvikudagskvöldum okkar og eins er hægt að panta miða á fornbill@fornbill.is eða í síma 895 8195, taka skal fram nafn, fjölda miða, kreditkortanúmer eða hvort millifært verði á 0135-26-000530 kt: 490579-0369 (miðar verða ekki festir nema greiðsla sé klár fyrir 13. maí). Ath. best er að panta herbergi sem fyrst fyrir þá sem koma lengra að, þar sem ferðatíminn er byrjaður og fljótt að fyllast. [20.04]jsl

---

---

Kjörnefnd auglýsir eftir framboðum

Kjörnefnd minnir á að framboð til stjórna og varamanna þarf að berast fyrir 20. apríl svo hægt sé að kynna framboð samkvæmt lögum. Hægt er að hafa samband við Grétar í 892 1413 eða Kjartan í 869 1360. Þau framboð sem eru komin er hægt að sjá á fornbill.is undir Fyrir félaga - Aðalfundur 2012. [18.04]jsl

---

Fornhjól á rabbkvöld í Árbænum

Á rabbkvöldinu 18. apríl mun Njáll Gunnlaugsson mæta og fræða okkur um ýmislegt sem viðkemur eldri mótorhjólum, með tilheyrandi myndasýningu. Njáll er mikill áhugamaður um mótorhjól og skrifaði bókina "Þá riðu hetjur um héröð" sem greinir frá 100 ára sögu mótorhjólsins á Íslandi. Njáll hefur einnig safnað saman þúsunda skráninga hjóla hér á landi og er upplagt að koma með fyrirspurn á kvöldinu vanti einhverjum upplýsingar um sitt hjól. Kvöldið er í Árbænum og opnar húsið kl. 20. Kvöldið er einnig prjónakvöld hjá eiginkonum félaga. [17.04]jsl

---

Opinn dagur að Ásbrú sumardaginn fyrsta

Á þessum degi er hugmyndin að vekja upp fortíð svæðisins með því að hafa Amerískt þema þennan dag og endurvekja "Karnivalið" sem Suðurnesjamenn þekkja vel frá 9. áratugnum,. en það verður haldið í Atlantic Studios. Fyrir þá félaga sem hafa áhuga á að taka þátt í þessu verður mæting við Íþróttaakademiuna kl 12.00, þaðan verður ekið upp að flugskýlinu gamla og bílunum stillt upp ásamt tækjum frá öðrum klúbbum af Suðurnesjum. Viðvera á svæðinu er frá kl. 13.00 - 16.00.Sjá dagskrá [16.04]jsl

---

Til hamingju félagar!

Í gærkvöldi var kosið um hvort ætti að staðfesta það tilboð sem stjórn FBÍ hafði gert í húsnæði fyrir klúbbinn að Hlíðasmára 9, þurfti 3/4 greiddra atkvæða til að staðfesta tilboðið og úrslit voru rúmlega það. Klúbburinn er þar með að eignast sitt húsnæði undir félagsstarfið á 35 ára afmæli sínu. Húsnæðið verður afhent 1. september eða fyrr og mjög lítið þarf að gera til að taka það í notkun fyrir okkar starf. Nánar verður fjallað um þessi kaup í næstu Skilaboðum og eins verður fundargerð og kauptilboð aðgengilegt fyrir félaga fljótlega í næstu viku. [12.04]jsl

---

FUNDARBOÐ - Sjá nánar í Skilaboðum

Miðvikudagskvöldið 11. apríl kl. 20 verður haldinn almennur félagsfundur um kaup húsnæðis fyrir klúbbinn. Fundarstaður er að Hlíðasmára 9, 201 Kópavogi, 3.hæð. Húsið opnar kl. 20.00, fundur hefst kl. 20.30. Áríðandi að sem flestir félagsmenn mæti. Stjórn Fornbílaklúbbs Íslands.

Akureyri – Meira af gömlum myndum

Framhald frá síðasta kvöldi fyrir norðan verður í aðstöðu BA, Hlíðarfjallsvegi 13. Húsið opnar kl. 20.30 og verða sýndir kaflar úr myndasafni FBÍ frá árdögum klúbbsins. Einnig verða teknar niður númerapantanir fyrir félaga FBÍ og BA, en stutt er í skoðunardag og borgar sig að vera tímanlega með pantanir standi til að setja "ný" númer á fornbílinn. [11.04]jsl

---

Keflavík - Opið hús í kvöld

Opið hús verður í Íþróttaakademiunni, sem er beint á móti fótboltahöllinni. Þegar komið er að KFC skal beygja til vinstri (vestur) og ekið áfram í gegnum næsta hringtorg og þá er þetta hús á vinstri hönd. Húsið er opið frá kl. 19.30 til 22, upplagt fyrir nýja og eldri félaga á Reykjanesi að kynnast betur. [10.04]jsl

---

Gleðilega páska

Fréttasíðan fer í frí yfir páska, eins er lokað á Esjumelnum á páskadag. En í tilefni páska er upplagt að skoða útkomu þessar leitar á Google. [05.04]jsl

---

Kvöld á Amokka felt niður - Opið í Árbænum

Ákveðið hefur verið að fella niður dagskrá 4. apríl á Amokka vegna nálægðar við páska og stóra helgi enda væntanlega verða margir farnir úr bænum. Opið verður í Árbænum þetta kvöld í staðinn. [03.04]jsl

---

Akureyri í síðustu viku

Miðvikudaginn 28. mars var kíkt í heimsókn að Krossanesi og var þar tekið vel á móti fornbílafólki. Í skúrnum í Krossanesi í dag er verið að vinna í Novum sem aldrei fyrr og einnig er þar gamall Ford jeppi í smíðum hjá óðalsforingjanum sjálfum, sem án efa á eftir að verða stolt þeirra feðga um ókomna tíð. Myndir frá kvöldinu sem Björgvin Ólafsson tók er að finna hér. [02.04]bo/jsl

---

WWW Leita á fornbill.is